МЗС прыгразіў польскім перавозчыкам у заяве пра «добрасуседзкі» працяг дазволу на выезд на 10 дзён

Выяжджаць празь Літву ці Латвію ўлады Беларусі ім забаранілі яшчэ ў лютым 2023 году.

Раницай 17 верасьня Мытны камітэт паведаміў, што перавозьнікі могуць зьвярнуцца па працяг дазволу. А Міністэрства замежных спраў у пазьнейшай заяве, паўтарыўшы гэтую інфармацыю, прыгразіла па сканчэньні адтэрміноўкі «прымяніць усе прадугледжаныя законам меры ў поўным аб’ёме».

У заяве гаворыцца пра «чалавечнасьць», «здаровы сэнс» і «жэст добрай волі». Аднак там нічога няма пра зьняцьцё забароны на выезд церазь Літву і Латвію.

Напярэдадні ў Польшчы заявілі, што не адкрыюць мяжу да зьнікненьня небясьпекі для польскіх грамадзян у Беларусі.

Перавозьнікаў за парушэньне тэрмінаў выезду могуць пакараць штрафам

• да 1260 рублёў — для фізычных асоб
• да 30% ад кошту «прадмета парушэньня» — для юрыдычных (арт. 15.7 КоАП).

ГЛЯДЗІЦЕ ТАКСАМА:

У чарзе на ўезд у Літву і Латвію стаяць каля 1100 фураў, пераходы ў Польшчу па-ранейшаму закрытыя

ГЛЯДЗІЦЕ ТАКСАМА:

У Беларусі праз закрыцьцё польскай мяжы затрымаліся амаль 1,5 тысячы польскіх фураў

ГЛЯДЗІЦЕ ТАКСАМА:

Кітай з Польшчай ня здолелі дамовіцца, каб адкрыць польскую мяжу зь Беларусьсю, — эканамічны аглядальнік Андрэй Махоўскі