11 верасьня беларускі апазыцыйны палітык Мікола Статкевіч дэманстратыўна адмовіўся ад выгнаньня за межы Беларусі і вярнуўся на радзіму зь беларуска-літоўскай мяжы, куды яго прывезьлі з калёніі ў складзе чарговай групы беларускіх палітзьняволеных, каб выправадзіць у Літву. Лёс Статкевіча невядомы, да вызваленьня яму застаецца 9,5 году. Свабода падлічыла, колькі часу Мікола Статкевіч правёў у турмах і калёніях за час сваёй актыўнай палітычнай дзейнасьці.
2005–2007 — прыкладна 2 гады за кратамі. Прычынай арышту ўлады назвалі арганізацыю вулічных акцыяў супраць вынікаў парлямэнцкіх выбараў. Тады ж Amnesty International упершыню прызнала Статкевіча вязьнем сумленьня.
2011–2015 — 4 гады за ўдзел у прэзыдэнцкіх выбарах 2010 году. Міколу Статкевіча асудзілі на 6 гадоў узмоцненага рэжыму, вызвалены датэрмінова паводле амністыі. Прашэньня аб памілаваньні не пісаў.
2020–2025 — 5,5 году (асуджаны на 14 гадоў), арыштаваны адным зь першых перад выбарамі 2020 году. Фармальна за «арганізацыю масавых беспарадкаў». На гэты момант 69-гадоваму Статкевічу застаецца адбыць за кратамі 9,5 году.
Агулам Мікола Статкевіч правёў за кратамі ўжо 11 з паловай гадоў.
Форум