На 22 верасьня 31 чалавек, якія падалі заяўку ў фонд BySol, атрымалі разавую выплату ў памеры 1000 эўра. Сродкі нададзеныя Міжнародным гуманітарным фондам, паведамілі ў фондзе.
«Працягваецца працэдура легалізацыі вызваленых, яна зьвязана з фінансавымі затратамі (консульскі збор, страхоўка і г.д.), у якіх BySol удзельнічае сродкамі з сумы экстранага збору. Дзякуючы салідарнасьці і падтрымцы грамадзтва палітвязьні, высланыя 11 верасьня з Беларусі, ужо забясьпечаны мінімальна неабходным. Цяпер мы можам засяродзіцца на сыстэмнай дапамогі ў рамках нашага вялікага збору. Мы аб’яўляем аб штомесячнай фінансавай падтрымцы тэрмінам на тры месяцы», — заявілі ў арганізацыі.
Апрача таго вядома, што сума збору для вызваленых перавысіла заяўленую ў пачатку больш як удвая і складае больш за 110 000 эўра.
Палітвязьні апынуліся за мяжою ў выніку прымусовай экспатрыяцыі, без дакумэнтаў і часта безь неабходных рэчаў.
