Кіраўніцтва Канскага фэстывалю вырашыла правесьці кінафорум у онлайн-фармаце. Прычынай сталі эпідэмія COVID-19 і абмежавальныя меры, прынятыя ўрадам Францыі.
Каранавірус у Беларусі і ў сьвеце. Як разьвіваюцца падзеі >>
На адну з найважнейшых пляцовак сусьветнай кінаіндустрыі сёлета меліся сабрацца больш за 12 тысяч работнікаў кіно са 120 краін сьвету, гаворыцца на афіцыйным сайце форуму.
Ініцыятарам новай формулы стаў намесьнік дырэктара фэстывалю Жэром Паяр, а галоўным яго аргумэнтам была неабходнасьць падтрымаць міжнародную кінаіндустрыю і прафэсійны кінабізнэс.
У сумеснай заяве арганізатары канстатавалі, што правядзеньне маштабнай імпрэзы ў сёньняшніх умовах немагчымае, але адначасова яны выказалі гатоўнасьць забясьпечыць падтрымку фільмаў, адабраным у сёлетнія конкурсы. Тэрміны онлайн-праглядаў абмяркоўваюцца.
