Па выніках таргоў на Беларускай валютна-фондавай біржы рубель патаньнеў яшчэ на 60 пунктаў у параўнаньні з учорашнім днём, зафіксаваўшыся на адзнацы 8410 рублёў за даляр. Такім чынам, цяпер даляр каштуе столькі ж, колькі ў сьнежні мінулага году.
Доктар эканамічных навук Уладзімер Кулажанка кажа, што такі адкат нацыянальнай валюты цалкам прагназаваны. Паколькі беларускі рубель фактычна прывязаны па ўсіх парамэтрах да рубля расейскага, любыя ваганьні ў суседзяў наўпрост адбіваюцца на фінансавым рынку Беларусі:
«Трэба сказаць, што праблема гэтая вельмі складаная. Найперш у тым сэнсе, што, як выявілася, наш рубель зьмяняе свой курс у залежнасьці ад таго, як пачувае сябе рубель расейскі. Вось у чым прычына ўсіх апошніх ваганьняў. І калі расейцы ўправяцца зь цяперашняй праблемай, то пэўны аптымізм могуць захоўваць і нашы фінансавыя ўлады. Паглядзіце: у іх курс ужо больш як 33 рублі за даляр. І гэта вельмі значная лічба, калі ўлічыць, што не адзін месяц гэты паказьнік круціўся ў межах нават меней за 30 рублёў — 28-29 рублёў, ня болей. А тут раптам такі ўсплёск. Таму для Беларусі надзвычай важна тое, як справіцца з гэтымі цяжкасьцямі Расея».
Меней чым за тыдзень расейскі рубель абясцэніўся ажно на два пункты — ад 31 рубля за даляр да 33-х, упершыню так істотна аслабеўшы ад ліпеня 2009 году.
Доктар эканамічных навук Уладзімер Кулажанка кажа, што такі адкат нацыянальнай валюты цалкам прагназаваны. Паколькі беларускі рубель фактычна прывязаны па ўсіх парамэтрах да рубля расейскага, любыя ваганьні ў суседзяў наўпрост адбіваюцца на фінансавым рынку Беларусі:
«Трэба сказаць, што праблема гэтая вельмі складаная. Найперш у тым сэнсе, што, як выявілася, наш рубель зьмяняе свой курс у залежнасьці ад таго, як пачувае сябе рубель расейскі. Вось у чым прычына ўсіх апошніх ваганьняў. І калі расейцы ўправяцца зь цяперашняй праблемай, то пэўны аптымізм могуць захоўваць і нашы фінансавыя ўлады. Паглядзіце: у іх курс ужо больш як 33 рублі за даляр. І гэта вельмі значная лічба, калі ўлічыць, што не адзін месяц гэты паказьнік круціўся ў межах нават меней за 30 рублёў — 28-29 рублёў, ня болей. А тут раптам такі ўсплёск. Таму для Беларусі надзвычай важна тое, як справіцца з гэтымі цяжкасьцямі Расея».
Меней чым за тыдзень расейскі рубель абясцэніўся ажно на два пункты — ад 31 рубля за даляр да 33-х, упершыню так істотна аслабеўшы ад ліпеня 2009 году.
