Як паведаміла агенцтва dpa, расейскі самалёт-выведнік знаходзіўся ў міжнароднай паветранай прасторы бяз пляну палёту і не выходзіў на сувязь.
Зьнішчальнікі ВПС Нямеччыны суправаджалі расейскі самалёт, пакуль іх не зьмянілі самалёты Швэцыі.
Узброеныя сілы Нямеччыны трымаюць дадатковыя самалёты ў гатоўнасьці для абароны паветранай прасторы на ўсходнім флянгу NATO пасьля шэрагу нядаўніх парушэньняў Расеяй паветранай прасторы краін альянсу.
Апошні інцыдэнт адбыўся 19 верасьня ў паветранай прасторы Эстоніі. Эстонскі ўрад упершыню за апошнія 34 гады ініцыяваў тэрміновае пасяджэньне Рады бясьпекі ААН, каб абмеркаваць гэты факт.
«19 верасьня тры ўзброеныя расейскія зьнішчальнікі на 12 хвілін увайшлі ў паветраную прастору Эстоніі і тым самым парушылі тэрытарыяльную цэласнасьць Эстоніі і прынцып Хартыі ААН аб устрыманьні ад пагрозаў сілай», — заявіў міністар замежных спраў Эстоніі Маргус Цахкна, паведаміла агенцтва BNS/
Перад гэтым расейскія дроны ўварваліся ў паветраную прастору Польшчы, адзін дрон зафіксаваны ў паветры над Румыніяй.
ГЛЯДЗІЦЕ ТАКСАМА: У Румынію заляцеў расейскі дрон. На ягоны перахоп падымалі два зьнішчальнікі