Размова ідзе ў тым ліку аб забароне на рээкспарт увезеных у краіну тавараў, якая ўпершыню зьявілася вясной 2022 года.
Тавары пералічаныя ў дадатку да дакумэнта. Там больш за 200 кодаў адзінай Таварнай намэнклятуры зьнешнеэканамічнай дзейнасьці ЭАЭС.
Напрыклад, у сьпісе ёсьць тавары для мэдыцыны і вэтэрынарыі, ядзерныя рэактары, паравыя катлы і генэратары, халадзільнае абсталяваньне, мікрафоны, акумулятары, тэлефоны, гуказапісвальнае абсталяваньне, маніторы, бесьпілётнікі, шкляныя ампулы, адходы і лом вальфраму, ёмістасьці для сьціснутага або звадкаванага газу, зубныя цэмэнты або матэрыялы для плямбаваньня зубоў, цэмэнты для рэканструкцыі костак і многае іншае.
Але ёсьць і выключэньні: вырабленыя ў Беларусі тавары (гэта павінна быць пацьверджана сэртыфікатам аб паходжаньні), транзытныя тавары, якія вывозяцца па разавых ліцэнзіях, выдадзеных МАРГ, і па іншых падставах.
Пастанова набудзе моц 23 верасьня і будзе дзейнічаць да 22 сакавіка 2026 года.
ГЛЯДЗІЦЕ ТАКСАМА: Украіна атакавала дронамі два расейскія НПЗ