У Міністэрстве замежных спраў Беларусі паведамілі аб двух беларусах, якія атрымалі раненьні ў анэксаваным Расеяй Крыме пасьля атакі дронаў.
«Згодна з удакладненымі зьвесткамі, два пацярпелыя атрымалі раненьні сярэдняй ступені цяжкасьці. Белаурскія дыпляматы знаходзяцца на сталым кантакце з праваахоўнымі органамі і мэдычнымі ўстановамі», — паведаміла дзяржаўнае агенцтва БелТА з спасылкай на МЗС Беларусі.
У ведамстве таксама адзначылі, што пры неабходнасьці пацярпелыя грамадзяне атрымаюць усебаковую падтрымку.
ГЛЯДЗІЦЕ ТАКСАМА: Расея ўзмацніла ўдары па Запарожжы. У Крыме заявілі аб пацэльваньні Ўкраіны па ФаросеРасейскія ўлады анэксаванага Крыму паведамілі, што ўвечары 21 верасьня ў выніку ўкраінскай атакі бесьпілётнікамі пацярпелі санаторый «Фарос» і іншыя аб’екты ў аднайменным паселішчы. Паводле ўладаў, загінулі тры чалавекі і 16 атрымалі раненьні. Дзяцей сярод пацярпелых няма.
Паводле Міністэрства абароны Расеі, уначы над Крымам зьбілі 10 бесьпілётнікаў, 5 — над Азоўскім морам і яшчэ два — над Чорным морам.
- Кіраўніцтва Беларусі падтрымала агрэсію Расеі супраць Украіны і дазволіла скарыстаць вайсковую інфраструктуру і паветраную прастору для ўварваньня расейскай арміі і абстрэлаў мірных гарадоў Украіны, ахвярамі якіх сталі дзясяткі тысяч цывільных украінцаў.
- Украіна закрыла мяжу зь Беларусьсю, спыніла гандаль, арыштавала маёмасьць і прадукцыю беларускіх прадпрыемстваў і пачала ўмацоўваць мяжу на беларускім кірунку, каб зрабіць немагчымым паўторны наступ расейскіх войскаў зь беларускай тэрыторыі.