Супрацоўнікі Клайпедзкай мытні затрымалі два марскія кантэйнэры з больш як 50 тонамі напаўняльніка для каціных прыбіральняў.
Высьветлілася, што груз забаронены санкцыямі, яго перавозка ў Беларусь забаронена, паведамляе Delfi.
У Клайпедзкі порт груз прыбыў з Гамбургу ў Нямеччыне і яго меліся везьці ў Беларусь. Груз пераслала кітайская кампанія.
Прадстаўнік кампаніі прадставіў дзьве транзытныя дэклярацыі, у якіх пазначана, што ў кантэйнэрах напаўняльнік для каціных прыбіральняў. Падчас фізычнай праверкі выявілася, што груз адзначаны няправільным кодам. Па дакладным кодзе напаўняльнік трапляе ў групу тавараў, якія знаходзяцца пад санкцыямі і іх нельга везьці ў Беларусь.
Паводле Delfi, за парушэньне міжнародных санкцый адказным асобам пагражае штраф да 6000 эўра і канфіскацыя тавару.
ГЛЯДЗІЦЕ ТАКСАМА: Эўразьвяз рыхтуе 19-ы пакет санкцый супраць Беларусі: акцэнт на тэхналёгіі, фінансы і даходы ад сыравіны