Пра гэта паведамляе DW.
У акцыях узялі ўдзел настаўнікі, машыністы цягнікоў, фармацэўты і супрацоўнікі шпіталёў. Школьнікі заблякавалі дзясяткі ліцэяў, выступаючы супраць павышэньня пэнсійнага ўзросту і скарачэньня выдаткаў на сацыяльныя патрэбы.
На мітынгах гучалі лёзунгі з патрабаваньнем адмяніць пляны папярэдняга ўраду па скарачэньні бюджэту і павялічыць фінансаваньне дзяржаўных паслугаў.
Пратэстоўцы ў Нанце 18 верасьня
Прафсаюзы патрабуюць адмовіцца ад скарачэньняў
«Гнеў велізарны, і рашучасьць таксама. Маё пасланьне прэм’ер-міністру сёньня такое: менавіта вуліцы павінны вырашаць бюджэт», — заявіла кіраўнік прафсаюзу CGT Сафі Бінэ.
Кіраўнік прафсаюзу CFDT Мэрыліз Леон назвала пратэсты «выразным папярэджаньнем» прэмʼер-міністру. «Мы хочам сацыяльна справядлівага бюджэту», — падкрэсьліла яна.
Прэзыдэнт Францыі Эманюэль Макрон і новы прэмʼер Сэбасьцьен Лекарню апынуліся паміж пратэстоўцамі і інвэстарамі, занепакоенымі дэфіцытам бюджэту ў другой паводле памеру эканоміцы эўразоны. Парлямэнт пры гэтым застаецца глыбока расколатым.
Дэманстрацыя ў Нанце
Пратэсты закранулі школы і транспарт
Міністэрства ўнутраных спраў раней паведамляла, што ў акцыях могуць узяць удзел да 800 тысяч чалавек. У Парыжы на працу не выйшла амаль палова настаўнікаў пачатковых школ, па ўсёй краіне кожны трэці.
Рух рэгіянальных цягнікоў быў моцна парушаны, тады як высакахуткасныя лініі TGV, у асноўным, працавалі. На паўднёвым усходзе краіны пратэстоўцы перакрывалі трасы, запавольваючы рух транспарту.
Пратэстоўцы крочаць паўз сьлезацечны газ у Нанце 18 верасьня
У Нанце падчас мітынгаў адбыліся сутыкненьні, паліцыя ўжыла сьлезацечны газ. У Ліёне былі параненыя тры чалавекі.
ГЛЯДЗІЦЕ ТАКСАМА: Нацыянальная асамблея Францыі вынесла вотум недаверу ўраду