Абвешчаны кароткі сьпіс прэміі Ежы Гедройця.
За беларускую літаратурную ўзнагароду сёлета будуць змагацца 6 твораў:
«Гульні Цырцэі. Раман» — Зьміцер Дзядзенка;
«Занзібар. Сталеньне маладой душы» — Сяргей Дубавец;
«Перамена месцаў» — Югася Каляда;
«Там, дзе няма цемнаты: Радыё Свабода» — Аляксандр Лукашук;
«Раз на дваццаць пяць тысяч гадоў» — Анка Упала;
«Забойства на вуліцы Макаёнка» — Клёк Штучны.
ГЛЯДЗІЦЕ ТАКСАМА: Дэтэктывы, містэрыя і фантасмагорыя. Хто сёлета мае шанцы на прэмію ГедройцяІмёны пераможцы, а таксама атрымальнікаў другой і трэцяй прэміяў стануць вядомыя 15 лістапада. Уручэньне прэміі адбудзецца ў Гданьску ў Эўрапейскім цэнтры салідарнасьці.
Літаратурная прэмія імя Ежы Гедройця — незалежная ўзнагарода, якую ўручаюць штогод з 2012-га за найлепшую кнігу прозы па-беларуску, выдадзеную ў папярэднім годзе.
Ужо чацьвёрты год уручаць прэмію будуць не ў Беларусі. Два гады запар — у 2022-м і 2023-м — урачыстасьці праходзілі ў Варшаве, летась у Гданьску.