Абмежаваньне дзейнічае кругласутачна для грамадзянскай авіяцыі, за выключэньнем дзяржаўнай, санітарнай, а таксама пры выкананьні палётаў, зьвязаных з аказаньнем дапамогі людзям або жывёлам (падчас стыхійных бедзтваў, экалягічных катастроф і іншых надзвычайных сытуацый), абаронай і кантролем крытычна важнай інфраструктуры, паведаміла Польскае агенцтва па аэранавігацыі.
Абмежаваньні на палёты ля мяжы Польшчы зь Беларусьсю і Ўкраінай
Для астатніх відаў авіяцыі, акрамя вайсковай, забарона дзейнічае ў пэрыяд паміж заходам і ўзыходам сонца.
Беспалётная зона ўведзена «для забесьпячэньня нацыянальнай бясьпекі» на наступны дзень пасьля масавага ўварваньня расійскіх дронаў у польскую паветраную прастору (у тым ліку зь беларускай тэрыторыі) — першага з пачатку поўнамаштабнай агрэсіі РФ супраць Украіны.
Пры гэтым абмежаваньняў няма ўздоўж мяжы Польшчы з Калінінградзкай вобласьцю Расеі.
ГЛЯДЗІЦЕ ТАКСАМА: «Акт агрэсіі». Расейскія дроны ўварваліся ў Польшчу, у тым ліку празь Беларусь. Польскае войска заявіла, што частку зь іх зьбіліТуск заявіў аб актывацыі артыкулу 4 Статуту NATO
Дональд Туск заявіў, што значная частка бесьпілотнікаў, які трапілі ў польскую паветраную прастору, прыляцела зь Беларусі, піша Reuters.
Туск сказаў, што «мы знаходзімся ў сытуацыі, найбольш блізкай да ўзброенага канфлікту з часоў Другой сусьветнай вайны». Туск паведаміў таксама, што былі зьбітыя 4 бесьпілётнікі.
Па стане на 11-ю гадзіну раніцы было знойдзена сем бесьпілётнікаў і іх абломкаў на тэрыторыі Люблінскага, Лодзінскае і Вармінска-Мазурскага ваяводзтваў. Пра гэта паведаміла прэс-сакратар Міністэрства ўнутраных спраў Кінга Галэцка.
Агулам больш за 20 расейскіх беспілётнікаў былі выяўленыя ў начны час падчас парушэньня паветранай прасторы Польшчы, піша польскае выданьне Rp.pl.
Для іх зьбіцьця выкарыстоўваліся баявыя самалёты, у тым лікугаляндскія F-35, якія прыбылі ў Польшчу 1 верасьня.
ГЛЯДЗІЦЕ ТАКСАМА: Пасланьне NATO Пуціну пасьля атакі расейскіх дронаў на Польшчу: «Спыніце вайну ва Ўкраіне»